საქართველოს ხელოვნური ინტელექტის ასოციაცია (GAIA) არის ხელოვნური ინტელექტის პროფესიონალებისა და ენთუზიასტების არაკომერციული გაერთიანება. ასოციაცია ხელს უწყობს ხელოვნური ინტელექტის შესახებ განათლების ხელმისაწვდომობის გაზრდას და კერძო და საჯარო სექტორში ხელოვნური ინტელექტის ტექნოლოგიების დანერგვას. ასოციაციის მისიაა, ხელი შეუწყოს საქართველოს ეკონომიკურ განვითარებას ხელოვნურ ინტელექტზე ხელმისაწვდომობის გაზრდით.
ასოციაციას სამი მთავარი სამუშაო მიმართულება აქვს: Knowledge-sharing, Awareness Raising and Advocacy (KSARA), Business Adoption and Support (BAS) და Georgian AI Development Initiative (GAIDI). KSARA-ს მთავარი ამოცანა ასოციაციის წევრებისა და საზოგადოებისთვის ცოდნის გაზიარებაა. BAS-ის ამოცანა კი ბიზნესებისთვის AI ტექნოლოგიების დანერგვაში დახმარება და AI სტარტაპების მხარდაჭერაა. GAIDI კი ქართული ხელოვნური ინტელექტისა და პროფესიული საზოგადოების გაძლიერებასა და განვითარებაზე იმუშავებს.
ასოციაციის ასოცირებული წევრი ჩართულია ასოციაციის საქმიანობაში, ხელს უწყობს მისი მიზნების შესრულებას და სარგებლობს ასოციაციის სპეციალური საწევრო შეთავაზებებით. ასოციაციის წევრობა 2024 წლის ბოლომდე უფასოა. სიმბოლური საწევრო დონაციის ამოქმედებამდე წევრებს წინასწარ გეცნობებათ.
ასოცირებული წევრი უფლებამოსილია დატოვოს ასოციაცია. ამისთვის საკმარისია წერილობითი (ელექტრონული ფოსტით) მიმართვა ასოციაციის გენერალურ დირექტორთან.
ასოცირებულ წევრს ასოციაციის პროექტებითა და შეთავაზებებით შეუძლია:
-
გაუზიაროს გამოცდილება და ცოდნა კოლეგებს
-
მიიღოს ცოდნა ხელოვნური ინტელექტის ეფექტური გამოყენების გზების შესახებ პირადი და ბიზნეს საქმიანობის პროდუქტიულობის გასაზრდელად
-
რეგულარულად მიიღოს მუდმივად განახლებადი, შერჩეული ინფორმაცია მსოფლიო AI საზოგადოების უახლესი მოვლენების შესახებ
-
მიიღოს და გააზიაროს ცოდნა, უწყვეტად განვითარდეს და აიმაღლოს კვალიფიკაცია ადგილობრივ და საერთაშორისო ფორმატებში
-
შესაძლებლობის მიხედვით დაეხმაროს ასოციაციას ღონისძიებების ორგანიზებასა და მოხალისეობრივ საქმიანობაში
-
მხარი დაუჭიროს ასოციაციის მისიის შესრულებას და საქმიანობას პროფესიულ ქსელებში საქართველოში და მის ფარგლებს გარეთ
-
შეიტანოს მნიშვნელოვანი წვლილი საქართველოში ხელოვნური ინტელექტის განვითარებაში
ამ ფორმის შევსებით თქვენ ხდებით საქართველოს ხელოვნური ინტელექტის ასოციაციის ასოცირებული წევრი - უერთდებით ინიციატივას, რომელიც გააძლიერებს საქართველოში ხელოვნური ინტელექტის განვითარებას და ააჩქარებს ქვეყნის ტექნოლოგიურ ჰაბად გარდაქმნის პროცესს
გილოცავთ! თქვენ შემოუერთდით საქართველოს ხელოვნური ინტელექტის ასოციაციას. მალევე თქვენ მიიღებთ წევრობის დადასტურების მეილს და ინფორმაციას ასოციაციის უახლოესი სამოქმედო გეგმის შესახებ. მადლობა და წარმატებებს გისურვებთ
