​​

ხელოვნური ინტელექტის ეროვნული ჰაკათონი GAIA-ს ახალი ინიციატივაა, რომელიც ქვეყნის მთავარ AI ჰაკათონად ჩამოყალიბდება. ეროვნული AI ჰაკათონის მთავარი მხარდამჭერები კავკასიის უნივერსიტეტი და თიბისი არიან.

​

ჰაკათონის მონაწილეები საქართველოს კონტექსტში და რეალურ ბიზნეს გამოწვევებზე მორგებული ხარისხიანი AI პროდუქტების შექმნაზე იმუშავებენ.

​

ამოცანა:​

2025 წელს ეროვნული AI ჰაკათონს ორი მიმართულება ექნება:

• საძიებო სისტემების გაუმჯობესება AI-ის გამოყენებით

• ციფრული პროდუქტების ტესტირების გაუმჯობესება AI-ის გამოყენებით​

​

მონაწილეებმა უნდა შექმნან ფუნქციური დემო/MVP ერთ-ერთი მიმართულებით და წარადგინონ მისი განვითარების ტექნიკური და ბიზნეს ხედვა.

​

გამარჯვებულები და პრიზები

გამარჯვებულ გუნდებს ჰაკათონის ჟიური გამოავლენს თითოეულ კატეგორიაში. გუნდები პროდუქტის განვითარებისთვის ფულად პრიზებს მიიღებენ. ასევე, გუნდებს შესაძლებლობა ექნებათ GAIA-ს დახმარებით ბიზნესებს სამომავლო თანამშრომლობისთვის შექმნილი პროდუქტები გააცნონ.

​

ჰაკათონში მონაწილეობა

ჰაკათონი გუნდურად ჩატარდება და თითოეულ გუნდში შეიძლება იყოს 2-5 წევრი.

ჰაკათონში მონაწილეობის მისაღებად საჭიროა კომპიუტერული მეცნიერებების/ინფორმატიკის, მონაცემთა მეცნიერების, პროგრამული ინჟინერიის სფეროში ცოდნა და გამოცდილება. რეგისტრირებულ გუნდებს მონაწილეობის დასტური, ამოცანის პირობები და ღონისძიების დეტალები ერთი კვირით ადრე გაუზიარდებათ.

​

ჰაკათონის სამეცნიერო კომიტეტი და ჟიური

ჰაკათონის სამეცნიერო კომიტეტისა და ჟიურის წევრები არიან:

• ​რატი სხირტლაძე - მონაცემთა ანალიზის ლაბორატორიის დამფუძნებელი, კავკასიის უნივერსიტეტის ხელოვნური ინტელექტის საბაკალავრო პროგრამის ხელმძღვანელი

• შოთა იორამაშვილი - თიბისის ვებ- და მობაილ დეველოპმენტის არეა ლიდი

• ნათია ქუხილავა - Helio AI-ის CTO

• რაფაელ კალანდაძე - Wandero AI-ის და AI Lab Tbilisi-ის თანადამფუძნებელი და CTO

• თათია წმინდაშვილი - Impel-ის მანქანური სწავლების უფროსი ინჟინერი

• თაზო ლეჟავა - CO-Founder & CEO @ Quissly

​​

დრო და ადგილი

ჰაკათონი 19-20 ივლისს კავკასიის უნივერსიტეტში ჩატარდება. დეტალური განრიგი დარეგისტრირებულ მონაწილეებს მეილზე გაუზიარდებათ. 

​​

რეგისტრაცია

რეგისტრაცია დასრულებულია. რეგისტრირებული გუნდები მონაწილეობის დადასტურებას და დავალებებს მიიღებენ არაუგვიანეს 12 ივლისისა.